हिमालयन बैंकको डिजिटल सेवा दुई सातादेखि ठप्प, तिहारमा ग्राहकलाई सास्ती
bishowkhabar.com · Fri Nov 13 03:10:31 UTC 2026

काठमाडौं – हिमालयन बैंक लिमिटेडको मोबाइल बैंकिङ तथा इन्टरनेट बैंकिङ सेवा करिब दुई सातादेखि अवरुद्ध हुँदा ग्राहक समस्यामा परेका छन् । बैंकले प्रणाली मर्मत तथा स्तरोन्नति (सिस्टम अपग्रेड) भइरहेको भन्दै सेवा बन्द गरेपछि विशेषगरी तिहारको समयमा दैनिक भुक्तानी र वित्तीय कारोबार गर्नुपर्ने सेवाग्राही प्रभावित भएका हुन् ।
बैंकले सार्वजनिक सूचना जारी गर्दै मोबाइल बैंकिङ तथा इन्टरनेट बैंकिङ प्रणालीमा आवश्यक मर्मत तथा स्तरोन्नतिको काम भइरहेको जनाएको छ । सेवा पुनः सञ्चालनमा ल्याउन प्राविधिक टोली निरन्तर खटिएको र सेवा सुरु भएपछि आधिकारिक माध्यमबाट जानकारी गराइने बैंकको भनाइ छ । सेवा अवरुद्ध भएको असुविधाप्रति बैंकले ग्राहकसँग क्षमायाचना पनि गरेको छ ।
स्रोतमा पूरा पढ्नुहोस् (bishowkhabar.com)