मुन्दु–सेरा जोड्न २५० मिटर लामो झोलुङ्गे पुल बन्ने

काठमाडौं – मुगुको मुन्दु गाउँ र सेरा जोड्ने २५० मिटर लामो झोलुङ्गे पुल निर्माण हुने भएको छ । पुल निर्माणका लागि कर्णाली प्रदेश सरकारले ३० लाख रुपैयाँ बजेट विनियोजन गरेको छ ।

कर्णाली प्रदेशका मुख्यमन्त्री मङ्गलबहादुर शाहीले स्थानीयसँगको छलफलका क्रममा पुल निर्माणको प्रक्रिया तत्काल अघि बढाइने बताए । उनले कोटिला र मुन्दु गाउँका बासिन्दालाई लक्षित गरी स्थानीय सडकको मर्मतसम्भार तथा धार्मिक र पर्यटकीय महत्त्वको ऋणमोक्ष धामसम्म पुग्ने बाटोसमेत सुधार गर्ने प्रतिबद्धता व्यक्त गरे ।