नेपाल–भारत व्यापार सहजीकरण : सिमेन्ट, स्टिल र जुत्ताको प्रमाणीकरण सरल बनाउन मन्त्री साहको आग्रह

काठमाडौँ – उद्योग, वाणिज्य तथा आपूर्तिमन्त्री दीपककुमार साह र भारतका वाणिज्य तथा उद्योगमन्त्री पीयूष गोयलबीच भारतको विशाखापटनममा द्विपक्षीय भेटवार्ता भएको छ। ३१औँ पार्टनरसिप समिट २०२६ मा सहभागी हुने क्रममा भएको भेटवार्तामा द्विपक्षीय व्यापार, पारवहन, औद्योगिक सहकार्य र नेपाली उत्पादनको भारतीय बजारमा सहज पहुँचका विषयमा छलफल भएको हो।

मन्त्री साहको सचिवालयका अनुसार भेटमा साहले नेपाली उत्पादनले भारतीय मानक ब्युरो (बीआइएस) को प्रमाणपत्र प्राप्त गर्न भोग्नुपरेका प्रक्रियागत जटिलता, समय र लागतको समस्या उठाएका थिए। उनले नेपाली सिमेन्ट, स्टिल, प्लाइउड, जुत्ता र धागोको प्रमाणीकरण प्रक्रिया सरल बनाउन आग्रह गरे।