परराष्ट्र सचिव राई र भारतीय राजदूत दलेलाबीच शिष्टाचार भेटवार्ता

काठमाडौं । नेपालका लागि भारतीय राजदूत सुधाकर दलेलाले शुक्रबार परराष्ट्र मन्त्रालयमा परराष्ट्र सचिव अमृतबहादुर राईसँग शिष्टाचार भेटवार्ता गरेका छन् ।

भेटका क्रममा परराष्ट्र सचिव राईले राजदूत दलेलाको नियुक्तिमा बधाई दिँदै नेपालमा उनको कार्यकाल फलदायी र सफल रहोस् भनी शुभकामना व्यक्त गरेको मन्त्रालयले जनाएको छ ।