विश्व प्रहरी शिखर सम्मेलनमा सहभागी हुन गृहमन्त्री गुरुङ युएई प्रस्थान

गृहमन्त्री सुधन गुरुङ संयुक्त अरब इमिरेट्स (युएई)को दुबईमा हुन लागेको ‘विश्व प्रहरी शिखर सम्मेलन’ मा सहभागी हुन आज साँझ त्यसतर्फ प्रस्थान गर्नुभएको छ ।

सम्मेलनका क्रममा गृहमन्त्री गुरुङले सहभागी मुलुकका समकक्षीसँग द्विपक्षीय छलफलका साथै सुरक्षाका क्षेत्रमा प्राविधिक सहयोग आदानप्रदानका सम्बन्धमा कुराकानी गर्ने उहाँको सचिवालयले जनाएको छ ।