विश्व प्रहरी शिखर सम्मेलनमा सहभागी हुन गृहमन्त्री गुरुङ यूएई प्रस्थान

काठमाडौँ – गृहमन्त्री सुधन गुरुङ संयुक्त अरब इमिरेट्स (यूएई) को दुबईमा आयोजना हुने ‘विश्व प्रहरी शिखर सम्मेलन’ मा सहभागी हुन शुक्रबार साँझ त्यसतर्फ प्रस्थान गरेका छन्।

सम्मेलनका क्रममा गृहमन्त्री गुरुङले सहभागी विभिन्न मुलुकका समकक्षीहरूसँग द्विपक्षीय भेटवार्ता गर्नुका साथै सुरक्षा क्षेत्रमा प्राविधिक सहयोग आदानप्रदानका विषयमा छलफल गर्ने उनको सचिवालयले जनाएको छ।