नीतिशबारे सोनियाको टिप्पणीप्रति जेडीयूको आपत्ति

२८ कात्तिक, काठमाडौं । भारतीय राष्ट्रिय कांग्रेसकी पूर्वअध्यक्ष सोनिया गान्धीले आफ्नो संस्मरण ‘बिलङ्गिङ : अ जर्नी अफ लभ’मा बिहारका पूर्वमुख्यमन्त्री नीतिश कुमारले विपक्षी दलहरूको ‘इन्डिया’ गठबन्धन छाडेको विषयमा गरेको टिप्पणीप्रति जनता दल युनाइटेड (जेडीयू) ले आपत्ति जनाएको छ।

सोनियाले सन् २०२४ जनवरीमा नीतिश कुमार गठबन्धनको बैठकबाट अचानक बाहिरिएको र त्यसका लागि ‘कमजोर बहाना’ बनाएको उल्लेख गरेकी छन्। त्यसपछि नीतिश पुनः प्रधानमन्त्री नरेन्द्र मोदी नेतृत्वको राष्ट्रिय लोकतान्त्रिक गठबन्धन (एनडीए) मा फर्किएको र उनको उक्त निर्णय पहिल्यै योजनाबद्ध रहेको आफूलाई लागेको पनि उनले संस्मरणमा लेखेकी छन्।