छठका लागि स्वदेशी केराको भर, मूल्यमा भने उपभोक्ताको गुनासो
emountaintv.com · Sat Nov 14 06:46:15 UTC 2026

काठमाडौँ ।
छठ पर्व नजिकिएसँगै जनकपुरधामसहित तराई–मधेसका बजारमा केराको किनबेच बढेको छ । छठ पर्वमा केरालाई महत्वपूर्ण प्रसादका रूपमा चढाउने परम्परा रहेकाले यतिबेला बजारमा केराको माग उच्च छ । पर्वको तयारी अन्तिम चरणमा पुग्दा व्यापारीहरू केरा विक्री गर्न व्यस्त छन् भने उपभोक्ताहरू पनि पूजाका सामग्री जुटाउन बजार धाउन थालेका छन् । यस वर्ष छठका लागि आवश्यक केरा भारतबाट आयात नभए पनि स्वदेशी उत्पादनले बजारको माग धानिरहेको व्यवसायीहरूले बताएका छन् । जनकपुर फलफूल व्यवसायी संघका अध्यक्ष विश्वेश्वर यादवकाअनुसार यसपटक भारतबाट एउटा पनि केरा आएको छैन । नेपालकै विभिन्न जिल्लामा उत्पादन भएको केराले बजारको माग पूरा गरिरहेको छ । यादवले कैलालीको टीकापुर, नवलपरासी, चितवन, त्रिवेणी, हेटौँडा, निजगढदेखि पूर्वको बिर्तामोड, शनिश्चरे र इनरुवालगायत क्षेत्रबाट केरा आपूर्ति भइरहेको बताउनु भयो । । उहाँकाअनुसार नेपालमा केराको उत्पादन बढ्दै गएकाले छठ पर्वका लागि अभाव हुने अवस्था छैन ।
स्रोतमा पूरा पढ्नुहोस् (emountaintv.com)