काठमाडौं उपत्यकामा छठको तयारी अन्तिम चरणमा, कमलपोखरीदेखि गौरीघाटसम्म सजाइयो
emountaintv.com · Sat Nov 14 12:58:59 UTC 2026

काठमाडौँ ।
काठमाडौं उपत्यकामा छठ पर्वको तयारी अन्तिम चरणमा पुगेको छ । छठ पर्व नजिकिएसँगै काठमाडौंका विभिन्न नदी, पोखरी तथा जलाशय क्षेत्रमा सरसफाइ, सजावट र पूजास्थल व्यवस्थापनका काम तिब्र पारिएको छ । काठमाडौंको कमलपोखरी, थापाथली, गौरीघाटलगायतका स्थानमा छठ पर्व मनाउन आवश्यक तयारी भइरहेको छ । ती स्थानमा व्रतालु तथा श्रद्धालुहरूलाई सहज रूपमा पूजा गर्न सक्ने वातावरण बनाउन घाट व्यवस्थापन, सरसफाई र सजावटका कामलाई प्राथमिकता दिइएको छ । छठ पर्वका अवसरमा अस्ताउँदो र उदाउँदो सूर्यलाई अघ्र्य दिने परम्परा रहेकाले नदी, पोखरी तथा जलाशयका किनारमा विशेष तयारी गरिन्छ । यही परम्परालाई ध्यानमा राख्दै काठमाडौं उपत्यकाका विभिन्न स्थानमा पूजाका लागि आवश्यक संरचना तयार पार्ने र घाटलाई व्यवस्थित बनाउने काम भइरहेको छ । विशेषगरी कमलपोखरी, गौरीघाट र थापाथली क्षेत्रमा छठ मनाउन आउने व्रतालु तथा भक्तजनको सुविधालाई ध्यानमा राखेर तयारी भइरहेको छ ।
स्रोतमा पूरा पढ्नुहोस् (emountaintv.com)