मुख्य सामग्रीमा जानुहोस्

समाचार

देश

लोकप्रियता, जनअपेक्षा र बालेन सरकारको राजनीतिक भविष्य

newsofnepal.com · Sun Nov 15 03:08:13 UTC 2026

सरकार भनेको सबैको हुन सक्नुपर्दछ, सरकार युवाको मात्र होइन, सरकार आज जन्मन बाँकी शिशुदेखि अति वृद्धसम्मका नागरिकको समेत संरक्षक बन्न सक्नुपर्दछ । कुनै पनि सरकारको सफलता एउटा उमेर समूह, वर्ग वा राजनीतिक पक्षलाई खुशी पार्नुमा मात्र सीमित हुनुहुँदैन । राज्यका सबै नागरिकले सरकारलाई आफ्नो साझा अभिभावकका रूपमा अनुभूति गर्न सक्नु नै लोकतान्त्रिक शासनको वास्तविक उदाहरण हुने गर्दछ । यदि कुनै एकजना मात्र स्वतन्त्र नागरिकले सरकार मेरो लागि होइन रहेछ भन्ने सोच्नुपर्ने अवस्था आयो भने त्यहाँ सरकारको असफलता देखिन्छ ।

अहिलेको सरकारको कार्यव्य वहारलाई हेर्दा यो जेन्जी पुस्ता अर्थात् युवाको चाहना र आकांक्षाहरुलाई मात्र सम्बोधन गर्न बनेको सरकार हो कि क्या हो भन्ने गुनासो यत्रतत्र चर्चाको विषय बनिरहेको छ । यो आरोपको यथार्थताको बारेमा सरकारले आफ्ना नीति, कार्यक्रम र कार्यशैलीबाट स्पष्ट पार्न सक्नुपर्दछ । युवा पुस्ताको परिवर्तनप्रतिको चाहना महत्वपूर्ण छ । उनीहरूको असन्तुष्टि, आक्रोश र भविष्यप्रतिको चिन्तालाई बेवास्ता गरेर मुलुक अघि बढ्न सक्दैन । तर युवाको आवाज सुन्नु र युवाको मात्र सरकार बन्नु फरक कुरा हो ।

स्रोतमा पूरा पढ्नुहोस् (newsofnepal.com)