मुख्य सामग्रीमा जानुहोस्

समाचार

देश

सर्वोच्च अदालत बिक्ने संस्था होइन, निष्पक्ष न्याय दिनेछः देउवा

news24nepal.tv · Sun Nov 15 03:44:05 UTC 2026

काठमाडौं । नेपाली कांग्रेसका पूर्वसभापति एवं पूर्वप्रधानमन्त्री शेरबहादुर देउवाले जेनजी आन्दोलनका क्रममा कांग्रेस र नेकपा एमालेका नेता तथा उनीहरूका निवासलाई योजनाबद्ध रूपमा निशाना बनाइएको आरोप लगाएका छन् । पार्टीको आधिकारिकता विवाद सर्वोच्च अदालतमा विचाराधीन रहेका बेला देउवाले आफूहरूले निष्पक्ष न्याय पाउने विश्वास व्यक्त गर्दै पार्टीका लागि अन्तिम सास रहुन्जेल संघर्ष गर्ने घोषणा पनि गरेका छ ।

शनिवार ललितपुरमा आफू पक्षीय कांग्रेसको जिल्ला अधिवेशनलाई सम्बोधन गर्दै देउवाले जेनजी आन्दोलनका क्रममा आफ्नो घर जलाइएको, पूर्वप्रधानमन्त्री कृष्णप्रसाद भट्टराईको आश्रममा आगजनी गरिएको र बीपी कोइरालाको पुख्र्यौली घरसमेत जलाइएको भन्दै आक्रोश व्यक्त गरे । अन्य दलका नेताहरूको घरमा आक्रमण नभई कांग्रेस र एमालेका नेताहरूलाई मात्रै छानीछानी निशाना बनाइएको उनको दाबी थियो । जेनजी आन्दोलनलाई देउवाले योजनाबद्ध षड्यन्त्रको संज्ञा दिए ।

स्रोतमा पूरा पढ्नुहोस् (news24nepal.tv)