क्षतिग्रस्त खुलामञ्चको स्वरूप फर्काउँदै कांग्रेस
nepalviews.com · Sun Nov 15 04:40:38 UTC 2026

काठमाडौ । नेपाली कांग्रेसले १५औँ महाधिवेशनका क्रममा क्षति पुगेको काठमाडौंको टुँडिखेलस्थित खुलामञ्चको हरियाली र सौन्दर्य पुनःस्थापना गर्न थालेको छ । महाधिवेशनका क्रममा सवारीसाधनको आवतजावत, अस्थायी संरचना निर्माण र हजारौँ मानिसको चहलपहलका कारण बिग्रिएको दुबो पुनःरोपण तथा संरक्षणमा पार्टीका नेता–कार्यकर्ता जुटेका छन् ।
महाधिवेशनका क्रममा सार्वजनिक स्थलमा क्षति पुगेपछि त्यसको जिम्मेवारी लिनुपर्ने भन्दै कांग्रेसको आलोचना भएको थियो । कार्यक्रमअघि नै खुलामञ्चलाई प्रयोगपछि पुरानै अवस्थामा फर्काउने प्रतिबद्धता जनाएको पार्टीले अहिले सोहीअनुसार पुनःस्थापनाको काम अघि बढाएको हो । क्षतिग्रस्त क्षेत्रमा नयाँ दुबो रोप्ने, माटो मिलाउने र हरियाली पुनःस्थापना गर्ने काम भइरहेको छ ।
स्रोतमा पूरा पढ्नुहोस् (nepalviews.com)