सबै धर्म, संस्कृति र परम्पराको संरक्षणमा सरकार प्रतिबद्ध छ : प्रधानमन्त्री शाह
bishowkhabar.com · Sun Nov 15 05:52:03 UTC 2026

काठमाडौं प्रधानमन्त्री वालेन्द्र शाहले सबै धर्म, संस्कृति र परम्पराको संरक्षण तथा प्रवर्द्धन गर्न सरकार प्रतिबद्ध रहेको बताएका छन् । छठ पर्वका अवसरमा स्वदेश तथा विदेशमा रहेका नेपालीलाई शुभकामना सन्देश जारी गर्दै प्रधानमन्त्री शाहले छठले जीवनको गहिरो दर्शन सिकाउने उल्लेख गरेका छन् । उनले प्रकृति र आस्थासँग जोडिएको यस पर्वले जीवनका हरेक अवस्थालाई सम्मान गर्न तथा प्रकृतिप्रति कृतज्ञ हुन प्रेरित गर्ने बताएका छन् ।
प्रधानमन्त्री शाहले भगवान् सूर्यदेव र छठी माताको आराधना गर्दै परिवारको सुख, शान्ति, आरोग्य तथा सन्तानको दीर्घायुको कामना गरेर छठ मनाइने बताएका छन् । उदाउँदो सूर्यलाई जस्तै अस्ताउँदो सूर्यलाई पनि उत्तिकै श्रद्धा र सम्मानका साथ अर्घ्य दिने परम्पराले प्रकृतिप्रतिको कृतज्ञता र जीवनका सबै अवस्थाको सम्मान गर्न सिकाउने उनको भनाइ छ ।
स्रोतमा पूरा पढ्नुहोस् (bishowkhabar.com)