मुख्य सामग्रीमा जानुहोस्

समाचार

अर्थ

गाईपालनबाट आत्मनिर्भर बने महत, दुई युवालाई रोजगारी

bishowkhabar.com · Sun Nov 15 07:41:53 UTC 2026

काठमाडौं – सूर्योदय नगरपालिका–८ कजेनीका दिनेश महत व्यावसायिक गाईपालनबाट आत्मनिर्भर बनेको छ । आफ्नै गाउँमा कृषि तथा पशुपालन व्यवसाय सञ्चालन गरेका उनले दुई स्थानीय युवालाई रोजगारीसमेत दिएको छ । चार वर्षअघि ३० लाख रुपैयाँ लगानी गरेर ‘बिएण्डएम कृषि तथा पशुपालन फार्म’ स्थापना गरेका महतको फार्ममा अहिले १० वटा माउ गाई छन् । तीमध्ये पाँचवटा दुहुना छन् भने अन्य पाँचवटा चाँडै ब्याउने अवस्थामा छन् । फार्ममा १४ वटा बाच्छीसमेत हुर्किरहेका छन् ।

महतले दैनिक ५० देखि ६० लिटर दूध उत्पादन गर्दै आउएको छ । उत्पादित दूध नजिकैको सहकारीमा प्रतिलिटर ५५ देखि ६० रुपैयाँका दरले बिक्री हुन्छ । दूध बिक्रीबाट वार्षिक करिब ११ लाख रुपैयाँ आम्दानी हुने उनले बताए । यद्यपि, लगानी र उत्पादन लागतको तुलनामा दूधको मूल्य कम पाएको उनको गुनासो छ ।

स्रोतमा पूरा पढ्नुहोस् (bishowkhabar.com)