रु. २२ करोडको हेरोइनसहित पक्राउ परे भारतीय अन्तर्राष्ट्रिय लागु औषध सञ्जालका नाइके
corporatenepal.com · Sun Nov 15 08:37:28 UTC 2026

काठमाडौं । त्रिभुवन अन्तर्राष्ट्रिय विमानस्थलबाट साढे ५ किलो सेतो हेरोइनसहित पक्राउ परेका भारतीय नागरिक अन्तर्राष्ट्रिय लागुऔषध कारोबार सञ्जालका मुख्य व्यक्ति रहेको प्रहरी अनुसन्धानबाट खुलेको छ । भारतको महाराष्ट्रस्थित पुणेका ५२ वर्षीय रेवाराज तिघारेले यसअघि पनि नेपाललाई ट्रान्जिट बनाएर दुई पटक लागुऔषध भारत पु¥याएको खुलेको हो ।
लागुऔषध नियन्त्रण ब्यूरोको विमानस्थलस्थित शाखाबाट खटिएको प्रहरी टोलीले उनलाई २०८३ कात्तिक २८ गते पक्राउ गरेको थियो । प्रहरीका अनुसार थाइल्यान्डबाट नेपाल आएका शङ्कास्पद यात्रुको प्रोफाइलिङ तथा चेकजाँच गर्ने क्रममा उनको लगेजभित्र खरायो र बिरालोको खानाको प्याकेटमा लुकाएर राखिएको अवस्थामा साढे ५ किलो सेतो हेरोइन बरामद भएको थियो ।
स्रोतमा पूरा पढ्नुहोस् (corporatenepal.com)