मुख्य सामग्रीमा जानुहोस्

समाचार

विश्व

कोप–३१ को मसौदामा समेटियो नेपालको हिमाली मुद्दा, अन्तिम घोषणापत्रमा पनि समावेश गराउन पहल

bishowkhabar.com · Mon Nov 16 01:12:19 UTC 2026

काठमाडौं – जलवायु परिवर्तनको उच्च जोखिममा रहेको नेपालले टर्किएको अन्ताल्यामा जारी संयुक्त राष्ट्रसङ्घीय जलवायु परिवर्तनसम्बन्धी महासन्धिका पक्ष राष्ट्रहरूको ३१औँ सम्मेलन (कोप–३१) मा हिमालको मुद्दालाई औपचारिक रूपमा प्रवेश गराउन सफलता पाएको छ । नेपालले उठाएको हिमाल र जलवायु परिवर्तनसम्बन्धी विषय सम्मेलनको निर्णयको प्रारम्भिक मसौदामा समावेश भएको हो ।

नेपालले अब उक्त विषयलाई सम्मेलनको अन्तिम दस्ताबेज र घोषणापत्रमा समेत समावेश गराउन उच्चस्तरीय कूटनीतिक पहल अघि बढाएको छ। कृषि, वन तथा पर्यावरणमन्त्री गीता चौधरीले नेपालको नेतृत्व गर्दै विभिन्न सत्र तथा द्विपक्षीय भेटवार्तामार्फत हिमाली मुद्दालाई अन्तर्राष्ट्रिय जलवायु बहसको प्राथमिकतामा राख्न प्रयास गरिरहेको छ । यसअघि नेपालको प्रतिनिधिमण्डलको नेतृत्व गर्नुभएका परराष्ट्रमन्त्री शिशिर खनालले पनि सम्मेलनका विभिन्न सत्र र भेटवार्तामा हिमालबिना विश्वको पारिस्थितिक प्रणाली अपूरो रहने वैज्ञानिक आधारसहितका दस्ताबेज प्रस्तुत गर्नुभएको थियो ।

स्रोतमा पूरा पढ्नुहोस् (bishowkhabar.com)