मुख्य सामग्रीमा जानुहोस्

समाचार

खेलकुद

एनपीएल प्लेअफ समीकरण पूरा, क्वालिफायर–वानमा लुम्बिनी र सुदूरपश्चिम भिड्ने

bishowkhabar.com · Mon Nov 16 01:23:39 UTC 2026

काठमाडौं – नेपाल प्रिमियर लिग (एनपीएल) को तेस्रो संस्करणमा लिग चरणका २८ खेल सकिएसँगै प्लेअफ समीकरण पूरा भएको छ। उपाधि होडमा अब चार टोली बाँकी छन्। पहिलो क्वालिफायरमा साविक विजेता लुम्बिनी लायन्स र सुदूरपश्चिम रोयल्स भिड्नेछन् भने इलिमिनेटरमा काठमाडौं गोर्खाज र चितवन राइनोज आमनेसामने हुनेछन् ।

लिग चरणमा उत्कृष्ट प्रदर्शन गर्दै लुम्बिनी ११ अंकसहित शीर्ष स्थानमा रह्यो। सुदूरपश्चिम दोस्रो, काठमाडौं तेस्रो र चितवन चौथो स्थानमा रहँदै प्लेअफमा पुगेका हुन् । निर्धारित तालिकाअनुसार मंगलबार क्वालिफायर–वान, बुधबार इलिमिनेटर र बिहीबार क्वालिफायर–टु हुनेछ । क्वालिफायर–वानको विजेता सिधै फाइनलमा पुग्नेछ भने पराजित टोलीले इलिमिनेटरको विजेतासँग क्वालिफायर–टु खेल्नेछ । क्वालिफायर–टुको विजेताले फाइनलमा स्थान बनाउनेछ । प्लेअफमा पुग्न नसकेपछि विराटनगर किंग्स, कर्णाली याक्स, जनकपुर बोल्ट्स र पोखरा एभेन्जर्सको यात्रा भने लिग चरणमै समाप्त भएको छ ।

स्रोतमा पूरा पढ्नुहोस् (bishowkhabar.com)