दोहामा एनआरएनए मध्यपूर्व सम्मेलनको तयारी अन्तिम चरणमा
rajdhanidaily.com · Tue Nov 17 15:17:21 UTC 2026

काठमाडौं । गैरआवासीय नेपाली संघ (एनआरएनए) को नवौँ मध्यपूर्व क्षेत्रीय सम्मेलनको तयारी अन्तिम चरणमा पुगेको छ। मध्यपूर्वमा कार्यरत नेपाली श्रमिकको हकहित, सुरक्षित श्रम आप्रवासन, सामाजिक सुरक्षा, गैरआवासीय नेपालीका सरोकार तथा नेपालको आर्थिक समृद्धिमा प्रवासी नेपालीको भूमिकालाई नीतिगत बहसको केन्द्रमा राख्दै आगामी डिसेम्बर ११ र १२ (मंसिर २६ र २७) मा कतारको राजधानी दोहामा यो सम्मेलन आयोजना हुँदैछ।
एनआरएनएको महत्त्वपूर्ण केन्द्र तथा मध्यपूर्व अभियानको मुख्य हबका रूपमा परिचित कतारमा हुन लागेको यस सम्मेलनलाई यसअघिका संस्करणभन्दा थप व्यवस्थित, प्रभावकारी र उपलब्धिमूलक बनाउने लक्ष्यसहित तयारीलाई तीव्र पारिएको छ। मध्यपूर्वमा रहेका नेपालीका समस्या र सम्भावनालाई एउटै मञ्चमा उठाएर सरकार, राजनीतिक नेतृत्व, एनआरएनएका संस्थापक तथा पूर्वअध्यक्षहरू, अभियन्ता र सरोकारवालाबीच सार्थक संवाद स्थापित गर्ने उद्देश्य आयोजकले लिएको छ।
स्रोतमा पूरा पढ्नुहोस् (rajdhanidaily.com)