फास्ट ट्र्याकमा ढिलाइ गर्ने ठेकेदारको ठेक्का तत्काल रद्द गरिने : मन्त्री लम्साल
reportersnepal.com · Wed Nov 18 08:46:33 UTC 2026

काठमाडौँ । काठमाडौँ–तराई/मधेस द्रुतमार्ग (फास्ट ट्र्याक) निर्माणमा ढिलासुस्ती गर्ने र संशोधित कार्यतालिकाअनुसार काम गर्न नसक्ने निर्माण कम्पनीसँगको ठेक्का तत्काल रद्द गरिने पूर्वाधार विकासमन्त्री सुनिल लम्सालले बताएका छन् । उनले राष्ट्रिय गौरवको आयोजना निर्माणमा अब कुनै पनि प्रकारको सम्झौता र सहुलियतका नाममा ढिलाइ स्वीकार्य नहुने स्पष्ट पारेका छन् ।
आज महादेवटार सुरुङमार्गको ‘ब्रेक थ्रु’ कार्यक्रममा सम्बोधन गर्दै मन्त्री लम्सालले केही निर्माण कम्पनीको कमजोर कार्यसम्पादनका कारण फास्ट ट्र्याकजस्तो महत्त्वपूर्ण आयोजना आलोचनाको विषय बन्न पुगेको बताए । पटक–पटक ताकेता, चेतावनी, स्थलगत अनुगमन तथा पत्राचार गर्दा पनि निर्माण व्यवसायीले प्रतिबद्धताअनुसार काम गर्न नसकेको उनको भनाइ थियो ।
स्रोतमा पूरा पढ्नुहोस् (reportersnepal.com)