आगामी वर्षको बजेट महत्त्वाकांक्षी : महासंघ उपाध्यक्ष श्रेष्ठ

१८ जेठ, काठमाडौं । नेपाल उद्योग वाणिज्य महासंघका उपाध्यक्ष नरेशलाल श्रेष्ठले आगामी आर्थिक वर्षको बजेट महत्त्वाकांक्षी रहेको बताएका छन् । नेपाल आर्थिक पत्रकार संघ (नाफिज) ले सोमबार आयोजना गरेको ‘पोस्ट बजेट’ छलफल कार्यक्रममा बोल्दै उनले आगामी आर्थिक वर्षको बजेट स्रोत व्यवस्थापनको चुनौतीसहित आएको उल्लेख गरे ।

‘पूँजीगत खर्चका लागि केबल २० प्रतिशत मात्र देखिएको छ,’ उपाध्यक्ष श्रेष्ठले भने, ‘६ खर्ब भन्दा बढी वित्तीय घाटा सहितको बजेट आएको छ ।’