उत्तरी जापानमा अत्यधिक हिमपातका कारण ३५ जनाको ज्यान गयो

उत्तरी जापानमा पछिल्ला दुई हप्तादेखि परेको अत्यधिक हिमपातका कारण ३५ जनाको ज्यान गएको छ । सडक र रेल सेवा अवरुद्ध भएका छन् । कतिपय ठाउँमा हिउँको उचाइ २ मिटरसम्म पुगेको समाचार संस्था एपीले जनाएको छ ।

आर्कटिकबाट आएको चिसो हावाको प्रभावका कारण असामान्य रूपमा धेरै हिमपात भएको अधिकारीहरूले बताएका छन् । सबैभन्दा बढी क्षति निआगाता र आओमोरी प्रिफेक्चरमा देखिएको छ । धेरैजसो मानिसको ज्यान घरको छतबाट हिउँ हटाउने क्रममा लडेर गएको खबरमा उल्लेख छ ।