औद्योगिक क्षेत्र निर्माणको जिम्मा निजी क्षेत्रलाई दिने विषय सकारात्मक: परिसंघ अध्यक्ष पाण्डे

काठमाडौं । नेपाल उद्योग परिसंघका अध्यक्ष वीरेन्द्रराज पाण्डेले आगामी आर्थिक वर्षको बजेटले नेपालको अर्थतन्त्रलाई नयाँ दिशा दिने विश्वास व्यक्त गरेका छन् । नेपाल आर्थिक पत्रकार संघ (नाफिज) ले आयोजना गरेको बजेटपछिको अन्तरक्रियामा बोल्दै उनले बजेटले निजी क्षेत्रको मनोबल उच्च बनाउने बताए।

पछिल्ला वर्षहरूमा उपभोग्य वस्तुको मागमा आएको गिरावटकाबीच अर्थतन्त्रलाई चलायमान बनाउने उद्देश्यका साथ बजेट आएको बताए । ‘निजी क्षेत्रको मनोबल बढाउने र अर्थतन्त्रलाई गति दिने गरी बजेट आएको छ,’ उनले भने, ‘अहिले बजारमा माग बढ्न नसकेको अवस्थालाई बजेटका कार्यक्रमले सम्बोधन गर्ने देखिन्छ ।’