रास्वपा महाधिवेशनमा मतदान जारी

भरतपुर- चितवनमा जारी राष्ट्रिय स्वतन्त्र पार्टी (रास्वपा) को प्रथम महाधिवेशनमा मतदान कार्य जारी रहेको छ ।

रास्वपा केन्द्रीय निर्वाचन आयोगका प्रमुख भुवन केसीका अनुसार ९९ पदका लागि विद्युतीय मतदान सञ्चालन भैहरेको हो ।

बुधवार राति साढे १२ बजेदेखि विद्युतीय भोटिङ मेसिनबाट जारी मतदान बिहीवार दिउँसो १२ बजेसम्म चल्ने रास्वपाको केन्द्रीय निर्वाचन समितिले जनाएको छ ।

निर्वाचनमा ३ सय ८४ जना उम्मेदवारले आफ्नो उम्मेदवारी दर्ता गराएका छन् । यसअघि रास्वपाको सभापतिमा रवि लामिछाने निर्विरोध निर्वाचित भइसकेका छन् ।