गठबन्धनका शीर्ष नेताहरुको कार्यकर्तालाई प्रशिक्षण : दायाँबायाँ गर्ने होइन

सत्ता गठबन्धनका शीर्ष नेताहरुले पोखरामा शुक्रबार सामूहिक कार्यकर्ता भेला गरेका छन् । प्रशिक्षण कार्यक्रममा अधिकांश स्थानीय तहका सत्ता गठबन्धनमा निर्वाचित जनप्रतिनिधि थिए । शीर्ष नेताहरुले उनीहरुलाई गठबन्धनमा इमानदारिता देखाउन र एक अर्कालाई सघाउन निर्देशन दिएका हुन् ।

‘राजनीतिमा हिजोको कुरा सम्झेर एकले अर्कोलाई असहयोग गर्ने स्थिति नहोस् । राजनीतिमा हिजोका कुरा सम्झेर हुँदैन । हिजोका कुराले हुनेवाला पनि केही छैन । अहिलेको आवश्यकता गठबन्धन सरकार हो । गठबन्धनका उम्मेदवारलाई असहयोग गर्ने कुरा तपाइँहरु नगर्नुस्,’ प्रशिक्षण कार्यक्रममा प्रधानमन्त्री शेरबहादुर देउवाले भने ।