विस्फोटक पदार्थ राखिएको भवनमा भीषण विस्फोट हुँदा म्यानमारमा ४५ भन्दा बढीको मृत्यु

काठमाडौँ । म्यानमारको उत्तरपूर्वी क्षेत्रमा रहेको काउङटुप गाउँमा आइतबार भएको भीषण विस्फोटमा ४५ भन्दा बढी व्यक्तिको मृत्यु भएको छ ।

उद्धारकर्मीहरू र स्वतन्त्र सञ्चारमाध्यमका अनुसार घटनामा करिब ७० जना घाइते भएका छन् । विस्फोट दिउँसो करिब १२ बजे भएको थियो । उक्त क्षेत्र ताआङ राष्ट्रिय मुक्ति सेना (टीएनएलए)को नियन्त्रणमा रहेको छ । यो स्थान चीनको सीमाबाट करिब ३ किलोमिटर दक्षिणमा पर्छ ।