इरान युद्धअघिकै अवस्थामा कच्चा तेलको मूल्य, नेपालमा चाहिँ कहिले घट्छ?

विश्वबजारमा कच्चा तेलको मूल्यको मानक मानिने 'ब्रेन्ट क्रूड' सोमवारयता इरान युद्ध सुरु हुनुपुर्वको अवस्थामा पुगेता पनि नेपालमा त्यसको असर अझ एक सातापछि मात्र थाहा हुने नेपाल आयल निगमका प्रवक्ताले बीबीसीलाई बताएका छन्।

गत फेब्रुअरी २८ मा अमेरिका र इजरेलले इरानमा हमला सुरु गर्नुअघि कच्चा तेलको मूल्य प्रतिब्यारल ७६ अमेरिकी डलर रहेकामा यो साता बजारमा त्यो अझ तल झरेको देखिएको छ।