बाढीपहिरोका कारण केही सडकका आवागमन बन्द, कृष्णभीर सञ्जालमा

काठमाडौं– बाढी, पहिरो तथा सडक कटानका कारण देशका विभिन्न जिल्लाका राजमार्ग तथा सडकखण्डमा सवारी आवागमन प्रभावित भएको छ। केही सडकखण्ड पूर्ण रूपमा अवरुद्ध छन् भने केहीमा निश्चित समयका लागि सवारी सञ्चालनमा रोक लगाइएको छ।

काभ्रेपलाञ्चोकको खुर्कोट–नेपालथोक–कटुन्जेबेँसी–सिन्धुली सडकखण्डमा २०८२ भदौ १६ गतेदेखि सवारी सञ्चालनको समय निर्धारण गरिएको प्रहरीले जनाएको छ। बेलुका ७ बजेदेखि बिहान ५ बजेसम्म १० टन तौलसम्मका मालबाहक तथा ढुवानीका साधन सञ्चालन हुनेछन्। निजी तथा सार्वजनिक यात्रुवाहक सवारीसाधन भने बिहान ४ बजेदेखि बेलुका ६ बजेसम्म सञ्चालन हुनेछन्।