स्टकल्यान्डलाई हराउँदै ब्राजिल बन्यो समूह विजेता

ब्राजिलले विश्वकप २०२६ मा बिहीबार स्कटल्यान्डलाई ३–० ले पराजित गरेको छ । र समूह सी को विजेता बनेको छ । यससँगै ब्राजिल प्रतियोगिताको नकआउट चरण प्रवेश गर्न पनि सफल रह्यो ।

यो जितपछि ब्राजिल सात अंकमा समूहको शीर्षमा रह्यो । मोरक्को सात अंकमै दोस्रो स्थानमा रह्यो र उसले पनि अन्तिम ३२ मा स्थान बनायो । मियामी स्टेडियममा ब्राजिलले पहिलो हाफमा दुई गोलको अग्रता लिएको थियो र यी दुवै गोल भिनिसियस जुनियरले गरेका हुन् ।

उनले सातौं मिनेटमा गोलको खाता खोलेपछि इन्ज्युरी समयको तेस्रो मिनेटमा दोस्रो गोल थपे । म्याथेस कुन्हाले ६० औं मिनेटमा तेस्रो गोल गरे । हारले स्कटल्यान्ड तीन अंकमै सीमित रहेर तेस्रो स्थानमा रह्यो र उसको अर्को चरण पुग्ने सम्भावना कमजोर बनेको छ ।

यस्तै समूहको एटलान्टा स्टेडियममा भएको अर्को खेलमा मोरक्कोले हाइटीलाई ४–२ ले हरायो । मोरक्कोले दुई पल्ट पछाडि रहेको स्थितिबाट यो खेल जितेको हो । हाइटीले यासिन बोनेउको आत्घाती गोलमा अग्रता लिएपछि असरफ हाकिमीले ३९ औं मिनेटमा बराबरी गोल फर्काए ।

लगतै विल्सन इसिडोरले हाइटीलाई ४३ औं मिनेटमा फेरि अग्रता दिलाए । लगतै इन्ज्युरी समयमा इस्माइल साइबरीले मोरक्कोका लागि दोस्रो पल्ट बराबरी गोल गरे । सोफिन रोहिमीले ७८ औं मिनेटमा मोरक्कोका लागि तेस्रो गोल गरे ।

यस्तै गेसिम यासिमले ८९ औं मिनेटमा चौथो गोल थपे । हाइटी तीनै खेलमा पराजित रह्यो र शून्य अंकमा रह्यो ।

प्रकाशित मिति: बिहीबार, असार ११, २०८३

०७:२२