भिनिसियसको दुई गोलमा ब्राजिलको सहज जित, स्कटल्याण्ड ३-० ले पराजित

काठमाडौं । फिफा विश्वकप २०२६ अन्तर्गत ब्राजिलले स्कटल्याण्डलाई ३–० गोलले पराजित गर्दै प्रभावशाली प्रदर्शन गरेको छ।

अमेरिकाको मियामीमा भएको खेलमा ब्राजिलले सुरुदेखि नै आक्रामक खेल प्रस्तुत गर्दै स्कटल्याण्डमाथि स्पष्ट दबाब बनाएको थियो। त्यसको प्रतिफलस्वरूप खेलको सातौं मिनेटमै स्टार फरवार्ड भिनिसियस जुनियरले गोल गर्दै ब्राजिललाई अग्रता दिलाएका थिए।

पहिलो हाफको इन्जुरी समयमा भिनिसियसले व्यक्तिगत दोस्रो गोल गरेपछि ब्राजिलले २–० को बलियो अग्रता बनाएको थियो। जारी विश्वकपमा उनको गोल संख्या चार पुगेको छ।

दोस्रो हाफमा पनि ब्राजिलले खेलमाथिको नियन्त्रण कायम राख्यो। खेलको ६०औं मिनेटमा म्याथियस कुन्हाले गोल गर्दै ब्राजिलको अग्रता ३-० पुर्‍याए। त्यसपछि थप गोल हुन नसकेपछि ब्राजिलले सहज जित हात पार्यो।

जितसँगै ब्राजिलले प्रतियोगितामा आफ्नो उपाधि दाबेदारीलाई थप बलियो बनाएको छ। स्कटल्याण्ड भने ब्राजिलको आक्रामक खेलअघि निरीह देखियो र खेलभर प्रभाव जमाउन सकेन।

भिनिसियसको उत्कृष्ट प्रदर्शन र कुन्हाको गोलको मद्दतमा ब्राजिलले विश्वकपमा लगातार प्रभावशाली लय कायम राखेको छ।