टरिगाउँ विमानस्थल स्तरोन्नतिका लागि २५ करोड विनियोजन

दाङ- दाङको तुलसीपुरस्थित टरिगाउँ विमानस्थल स्तरोन्नतिका लागि २५ करोड रुपैयाँ विनियोजन भएको छ। संस्कृति, पर्यटन तथा नागरिक उड्डयन मन्त्रालयको वार्षिक बजेटमा उक्त विमानस्थलका लागि २५ करोड समावेश भएको हो।

विमानस्थलको धावनमार्गलाई दुई हजार ५०० मिटरसम्म विस्तार गर्न जग्गा व्यवस्थापनसहित अन्य पूर्वाधार व्यवस्थापन गर्न उक्त बजेट विनियोजन गरिएको दाङ निर्वाचन क्षेत्र नं ३ का प्रतिनिधिसभाका सांसद कमल सुवेदीले बताए।