१८ दिनपछि खुल्यो कृष्णभीरमा सडक, चल्न थाले सवारी

काठमाडौँ- १८ दिनपछि पृथ्वी राजमार्गमा यातायात सेवा पुनःसञ्चालनमा आएको छ। यही भदौ १४ गते कृष्णभीरमा बाढीले सडक बगाएपछि यातायात सेवा प्रभावित बनेको थियो। आज बिहानदेखि कृष्णभिर हुँदै गाडी चल्न थालेका हुन्।

सडक भासिएपछि अवरुद्ध बनेको पृथ्वी राजमार्गको कृष्णभिरको सडकमा नयाँ ट्र्याक खोलेर बिहीबार बिहानबाट दुईतर्फी नै यातायात सञ्चालन गरिएको हो। १० भदौमा आएको भोटेकोसी बाढीले त्रिशूलीले सडकको तल्लो भाग बगाएपछि सडक पूरै भासिएको थियो।