'छ महिनादेखि धुवाँइरहेको' नवलपरासीको भीर पुगेका विज्ञहरूको हालसम्मको निष्कर्ष

पूर्वी नवलपरासीको एउटा भीरमा विगत छ महिनादेखि देखिएको भनिएको धुवाँको कारण पत्ता लगाउन पुगेको विज्ञको टोलीले कोइलायुक्त चट्टान र एक प्रकारको खनिजमा रासायनिक प्रतिक्रियाबाट धुवाँ र ताप उत्पन्न भएको आशङ्का गरेको छ।

खानी तथा भूगर्भ विभागका भूगर्भविद् प्रकाश लुइँटेल र धौवादी फलाम कम्पनी लिमिटेडका भूगर्भविद् शशि तामाङले उक्त क्षेत्रको स्थलगत निरीक्षणपछि चट्टान र पानीको परीक्षणका लागि नमुना सङ्कलन गरिएको बताएका छन्।