नेपालको कूटनीतिक मोर्चा हाँकिरहेका यी कूटनीतिज्ञ महिलाहरू

नेपालको प्रथम कूटनीतिज्ञ महिला अगुवा विन्देश्वरी शाह हुन् । २०४६ सालको जनआन्दोलनताका उनी भारतको लागि नेपाली राजदूत थिइन् । काठमाडौंमा रहेको सार्क सचिवालयको संरचना दुई महिनामै तयार गर्ने नेतृत्व उनै शाहको थियो ।

विन्देश्वरी शाहबाट सुरु भएको नेपाली कूटनीतिज्ञ महिलाको यात्रा अहिले फैलिएको छ । महिलाले राजदूतदेखि परराष्ट्र सचिवसम्म भएर आफ्नो करिअर कूटनीतिलाई अगाडि बढाएका छन् । अहिले पनि नेपालका धेरै महिला कूटनीतिज्ञले नेपाली कूटनीतिक मिसनको नेतृत्व गरिरहेका छन् ।

१. बेल्जियमः सेवा लम्साल

नेपालको इतिहासकी प्रथम महिला परराष्ट्र सचिव हुन सेवा लम्साल । हाल उनी बेल्जियमकी राजदूत छिन् । अहिले जारी नेपाली कूटनीतिक मिसनको सबैभन्दा सिनियर नेतृत्वको रूपमा उनै लम्साल रहेकी छिन् ।

२. पाकिस्तानः रिता धिताल

रिता धिताल करिअर कूटनीतिज्ञ हुन् । २० वर्षअघि परराष्ट्र सेवामा शाखा अधिकृतका रूपमा प्रवेश गरेकी उनले आफ्नो पहिलो विदेशी नियोगको अनुभव बेल्जियमस्थित नेपाली राजदूतावासमा प्रथम सचिवका रूपमा प्राप्त गरेकी थिइन् । उक्त राजदूतावासले युरोपेली संघका लागि नेपालको स्थायी मिसनको जिम्मेवारीसमेत सम्हाल्दै आएको छ । हाल उनी पाकिस्तानको राजदूत छिन् । यस अगाडि उनले अबुधाबी तथा सार्क सचिवालयमा पनि नेपाली मिसनमा जोडिएर काम गरेकी थिइन् ।

३. मलेसियाः मुदिता बज्राचार्य

मलेसियाको कार्यवाहक राजदूतको रूपमा मुदिता बज्राचार्य रहेकी छन् । उनी पनि करिअर कूटनीतिज्ञ हुन् ।

४. डेनमार्कः सावित्रा ओली

नेपालको डेनमार्कस्थित राजदूतावासको अहिलेको कमान्ड सावित्रा ओलीले गरेकी छन् । उनी नेपालको कार्यवाहक राजदूत हुन् । उनी पनि परराष्ट्र सेवाबाट कूटनीतिमा सक्रिय करिअर कूटनीतिज्ञ हुन् ।

५. साउदी अरबः सिर्जना अधिकारी

अरबी देश साउदी अरबको राजदूतावासको अहिलेको कमान्डर हुन सिर्जना अधिकारी । उनी कार्यवाहक राजदूतको रूपमा सक्रिय छिन् । उनी पनि करिअर कूटनीतिज्ञ हुन् ।

६. चीनः रोशन खनाल

अहिले उत्तरी छिमेकी चीनको कूटनीतिक कमान्ड रोशन खनालले सम्हालिरहेकी छिन् । उनी चीनका लागि नेपाली कार्यवाहक राजदूत हुन् ।

प्रकाशित मिति: बिहीबार, असार ११, २०८३

०८:११