गुठी जग्गा विवादमा ५१ सदस्यीय महासंघर्ष समिति गठन

जनकपुरधाम उपमहानगरपालिकाका विभिन्न वडामा गुठी तथा रैती जग्गासम्बन्धी विवाद चर्किंदै गएपछि स्थानीय बासिन्दाले समस्या समाधानका लागि ५१ सदस्यीय ‘गुठीपीडित घरजग्गा व्यवस्थापन महासंघर्ष समिति’ गठन गरेका छन् ।

पुस्तौँदेखि बसोबास गर्दै आएको घरजग्गाबाट हटाउने उद्देश्यले गुठी संस्थानले सूचना जारी गरेको भन्दै स्थानीयले त्यसको विरोधमा समिति गठन गरेका हुन् । समितिले जग्गाको वास्तविक अवस्था पहिचान गर्न नापी, मालपोत, गुठी संस्थान र स्थानीय बासिन्दाका प्रतिनिधि सम्मिलित प्राविधिक जाँचबुझ आवश्यक रहेको जनाएको छ ।