टिप्परको ठक्करबाट बाबुछोराको मृत्यु, आमा घाइते

दाङको तुलसीपुर उपमहानगरपालिका–५ गुल्मचोकमा सोमबार बिहान टिप्परको ठक्करबाट मोटरसाइकलमा सवार बाबुछोराको मृत्यु भएको छ ।

दुर्घटनामा लमही नगरपालिका–५ निवासी ३५ वर्षीय मनोज नेपाली र उहाँका ५ वर्षीय छोरा मिनराज नेपालीको मृत्यु भएको हो । दुर्घटनामा‌ गम्भीर घाइते हुनुभएका दुवैलाई उपचारका लागि नेपालगञ्ज मेडिकल कलेज लगिएकोमा चिकित्सकले मृत घोषणा गरेको जिल्ला प्रहरी कार्यालय दाङका सूचना अधिकारी तथा प्रहरी नायब उपरीक्षक रेशम बोहराले जानकारी दिनुभएको छ ।