‘ग्याङ’ बनाएर शान्ति भंग गरेको आरोपमा २१ थान मोटरसाइकलसहित २५ जना पक्राउ

सिराहा प्रहरीले समाजमा अशान्ति र आतंक फैलाएको आरोपमा २५ जनालाई नियन्त्रणमा लिएको छ।

टिकटक, फेसबुक लगायतका सामाजिक सञ्जालहरूमा 'किङ अफ बलान', 'किङ अफ भगवानपुर', 'किङ अफ लहान', र 'किलर्स ब्रदर' जस्ता विभिन्न ग्याङहरूको नाममा ग्रुप बनाई समाजमा त्रास फैलाउने २५ जना युवाहरूलाई प्रहरीले पक्राउ गरेको हो। उनीहरूलाई सामाजिक सञ्जालमार्फत विभिन्न किसिमका गालीगलौज र धम्कीयुक्त भिडियोहरू पोस्ट गरेर सार्वजनिक शान्ति भंग गरेको भन्दै पक्राउ गरिएको हो।