सीमा सम्बन्धी प्रधानमन्त्रीको अभिव्यक्तिप्रति नेकपाको आपत्ति, संसद् अभिलेखबाट हटाउन माग

काठमाडौं। नेपाली कम्युनिष्ट पार्टी (नेकपा) ले प्रधानमन्त्रीले प्रतिनिधिसभामा नेपाल–भारत सीमा सम्बन्धमा दिएको अभिव्यक्तिप्रति गम्भीर आपत्ति जनाउँदै उक्त भनाइ तत्काल सच्याउन र संसद्को अभिलेखबाट हटाउन माग गरेको छ।

पार्टीका प्रवक्ता प्रकाश ज्वाला द्वारा जारी विज्ञप्तिमा प्रधानमन्त्रीको धारणा गैरजिम्मेवारपूर्ण, नेपालको सार्वभौमसत्ता, राष्ट्रिय स्वाधीनता र भौगोलिक अखण्डताविपरीत रहेको आरोप लगाइएको छ। नेकपाले प्रधानमन्त्रीको अभिव्यक्तिले स्थापित ऐतिहासिक तथ्य र नेपालको आधिकारिक अडानलाई समेत कमजोर बनाएको दाबी गरेको छ।