संखुवासभामा भारतीय सहयोगमा विद्यालय भवन शिलान्यास

नेपाल–भारत विकास सहकार्यअन्तर्गत भारत सरकारको चार करोड दुई लाख ९ हजार आर्थिक सहयोगमा संखुवासभाको चिचिला गाउँपालिका– ३ मा विद्यालय भवन निर्माण हुने भएको छ।

सोमबार आयोजित कार्यक्रममा श्री दिदिङ आधारभूत विद्यालयको विद्यालय भवन शिलान्यास भएको हो। चिचिला गाउँपालिकाका अध्यक्ष पासाङ नुर्बु शेर्पा र भारतीय राजदूतावासका प्रथमसचिव अविनाशकुमार सिंहले भवन शिलान्यास गरे।