एक महिनामै ३३ प्रतिशतले महँगियो आलु

काठमाडौं- नेपाली बजारमा पछिल्लो एक महिनाको अवधिमा आलु र प्याजको मूल्य उल्लेख्य रूपमा बढेको छ। कालीमाटी फलफूल तथा तरकारी बजार विकास समितिले सार्वजनिक गरेको मूल्यसूचीअनुसार १८ वैशाखको तुलनामा १८ जेठसम्म आइपुग्दा दुवै वस्तुको मूल्य उकालो लागेको हो।

तथ्यांकअनुसार सबैभन्दा धेरै मूल्यवृद्धि रातो आलुमा देखिएको छ। १८ वैशाखमा प्रतिकिलो औसत २४ रुपैयाँ ५० पैसा रहेको रातो आलुको मूल्य एक महिनापछि बढेर ३२ रुपैयाँ ५० पैसा पुगेको छ। यस अवधिमा रातो आलुको मूल्य ३२.६५ प्रतिशतले बढेको छ।