एपीएफ क्लब जीतपुर सिमरा गोल्डकपको सेमिफाइनलमा प्रवेश

सिमरा । विभागीय टिम नेपाल एपीएफ क्लब सिमरामा जारी १४ औं जगदम्बा जीतपुर सिमरा गोल्डकपको सेमिफाइनलमा प्रवेश गरेको छ । आठौँ विराट गोल्डकपमा मोरङसँग पराजित हुँदै बाहिरिएको एपीएफले जीतपुरसिमरा गोल्डकपमा सुखद् सुरुवात गर्ने क्रममा मकवानपुरलाई २–० ले पराजित गरेको हो ।

एपीएफको जितमा बिके तामाङ र प्रदीप लामाले समान एक–एक गोल गरे । खेलको ३० औं मिनेटमा बिके तामाङको गोलबाट खेलमा अग्रता लिएपनि जितका लागि एपीएफले अन्तिम समयसम्म संघर्ष गर्नुपर्यो ।