जुम्ला इजलासको न्याय सम्पादनमा सुधार, ९५ प्रतिशतभन्दा बढी मुद्दा फर्छ्यौट

उच्च अदालत सुर्खेतअन्तर्गत जुम्ला इजलासले आर्थिक वर्ष २०८२/०८३ मा कुल दर्ता भएका मुद्दामध्ये ९५.५३ प्रतिशत फर्छ्यौट गर्दै न्याय सम्पादनमा उल्लेखनीय प्रगति हासिल गरेको जनाएको छ। अदालतले एक वर्षभन्दा पुराना सबै मुद्दा टुंग्याएको छ भने थुनुवा मुद्दाको सुनुवाइलाई पनि प्राथमिकतामा राखेको जनाएको हो।

बिहीबार आयोजित वार्षिक समीक्षा कार्यक्रममा अदालतले चालु आर्थिक वर्षमा अघिल्लो वर्षका १५ सहित कुल ३३६ मुद्दा लगतमा रहेको जानकारी दिएको थियो। तीमध्ये ३२१ नयाँ मुद्दा थिए। वर्षभर ३२१ मुद्दा फर्छ्यौट गरिएको र हाल १५ मुद्दा मात्र विचाराधीन रहेको अदालतले जनाएको छ।