खोटाङबाट २ करोड बराबरको १३ सय १५ किलो गाँजा नष्ट

खोटाङ- जिल्ला प्रहरी कार्यालयले केही दिनअघि बरामद गरेको एक हजार ३१५ किलोग्राम अवैध गाँजा नष्ट गरेको छ । गत साउन २१ गते राति दिक्तेल रुपाकोट मझुवागढी नगरपालिका–७ दोर्पाको वालिङस्थित मध्यपहाडी लोकमार्गबाट ट्रकमा ‘लोड’ गरेर राखिएको अवस्थामा बरामद गरिएको रु दुई करोड मूल्य बराबरको अवैध गाँजा प्रहरीले बुधबार नष्ट गरेको हो।

जङ्गलमा रोकेर राखेको ट्रक शंकास्पद लागेर परीक्षण गर्दा गाँजा लुकाएर राखेको अवस्थामा भेटिएको जिल्ला प्रहरी कार्यालय खोटाङका सूचना अधिकारी प्रहरी निरीक्षक निराजन बस्नेतले जानकारी दिए।