ट्यांकरको लक तोडेर डिजेल चोरी: पम्पलाई १ लाख जरिवाना, चालकलाई आजीवन प्रतिबन्ध

नेपाल आयल निगम लिमिटेड लुम्बिनी प्रादेशिक कार्यालयले पेट्रोलियम पदार्थ ढुवानी गर्ने तीन ट्याङ्करबाट अनधिकृत रूपमा डिजेल झिकेको घटनामा कारबाही गरेको छ ।

निगमका अनुसार अमलेखगञ्जस्थित मधेस प्रादेशिक कार्यालयबाट भलवारी डिपोका लागि २० हजार लिटरका दरले डिजेल ढुवानी गरी आएका तीन ट्याङ्करबाट डिजेल झिकिएको थियो ।