बार्सिलोनाको फराकिलो जित: राफिन्हाको ह्याट्रिकमा रेसिङ सान्तान्डर ७–२ ले पराजित

काठमाडौं । स्पेनिस ला लिगाअन्तर्गत बिहीबार सम्पन्न खेलमा शीर्ष स्थानमा रहेको एफसी बार्सिलोनाले रेसिङ सान्तान्डरमाथि ७–२ गोलको फराकिलो जित निकालेको छ। बार्सिलोनाको यो एकपक्षीय जितमा ब्राजिलियन विङ्गर राफिन्हाले ह्याट्रिक पूरा गरे।

घरेलु मैदानमा बार्सिलोनाले खेलको आठौँ मिनेटमै जोआओ क्यान्सेलोको गोलमार्फत सुरुवाती अग्रता लिएको थियो। २५औँ मिनेटमा पाएको पेनाल्टीलाई सदुपयोग गर्दै राफिन्हाले टोलीको अग्रता २–० बनाए। खेलको ३०औँ मिनेटमा रेसिङका मागुएट गुएयेले गोल गर्दै अन्तर घटाउने प्रयास गरे पनि ३६औँ मिनेटमा आसिएर भिल्लालिब्रेको आत्मघाती गोलका कारण बार्सिलोना ३–१ ले अघि बढ्यो। लगत्तै ४२औँ मिनेटमा राफिन्हाले व्यक्तिगत दोस्रो गोल गरेपछि पहिलो हाफमै बार्सिलोनाले ४–१ को बलियो स्थिति बनायो।