पोखरा स्वास्थ्य विज्ञान प्रतिष्ठानलाई शव व्यवस्थापन गर्न मर्चरी हाउस हस्तान्तरण

पोखरा । ठूलो विपद् आउँदा मानिसको हाताहत भयो भने शवको व्यवस्थापन कहाँ गर्ने ? भदौ १० गते रसुवाको भोटेकोसीमा बाढी जादाँ धेरै मानिसको निधन भयो । निधन भएकामध्ये १०२ वटा शव पोखराको पोखरा स्वास्थ्य विज्ञान प्रतिष्ठानअन्तर्गत पश्चिमाञ्चल क्षेत्रीय अस्पताल ल्याइयो । पोखराको शवगृह (मर्चरी) शवको भण्डारण क्षमता ७२ जनाको मात्रै थियो ।

तीमध्ये नौ शव मणिपाल शिक्षण अस्पताल लगिएकोमा बाँकी सबै शव पोखरा स्वास्थ्य विज्ञान प्रतिष्ठानमा नै राखिएको थियो । क्षमताभन्दा बढी शव भण्डारण गर्दा अस्पताल क्षेत्र नै दुर्गन्धित बन्न पुग्यो । प्रतिष्ठानको शवगृहमा ७२ फ्रिजको क्षमता रहेको छ ।