पहिरो र बाढीका कारण देशका विभिन्न राजमार्ग प्रभावित, तीन स्थानमा पूर्ण अवरोध

काठमाडौँ । अविरल वर्षासँगै आएको बाढी र पहिरोका कारण देशका विभिन्न स्थानका मुख्य राजमार्ग प्रभावित भएका छन्। नेपाल प्रहरीका अनुसार बिहान ८ बजेसम्म कोशी, बागमती र गण्डकी प्रदेशका विभिन्न सडकखण्डमा यातायात आंशिक तथा पूर्ण रूपमा अवरुद्ध भएका छन्।

कोशी प्रदेशको भोजपुर नगरपालिका–५ बोखिमस्थित मध्य पहाडी लोकमार्ग बाढीका कारण प्रभावित बनेको छ। उक्त सडकखण्डमा हाल एकतर्फी रूपमा सवारी सञ्चालन भइरहेको छ भने वैकल्पिक मार्गसमेत प्रयोगमा ल्याइएको छ।