मेरिल्यान्डको किड्स ट्यालेन्ट शोमा प्रतिष्ठा, आर्शिभ र कृपा उत्कृष्ट, ५ सय डलर पुरस्कार

अमेरिकाको मेरिल्यान्ड राज्यस्थित बाल्टिमोरमा इन्टरनेसनल नेपाली आर्टिस्ट सोसाइटी (इनास) मेरिल्यान्डले बाल्टिमोरमा दोस्रो किड्स ट्यालेन्ट शो २०२६ आयोजना गरेको छ।

प्रवासमा हुर्किरहेका नेपाली बालबालिकालाई नेपाली भाषा, कला, संस्कृति र पहिचानसँग जोड्ने उद्देश्यले आयोजित कार्यक्रममा गायन, नृत्य तथा नेपाली भाषा वक्तृत्वकलामा बालबालिकाले प्रतिभा प्रदर्शन गरेका थिए। ट्यालेन्ट शो २०२६ मा नृत्यतर्फ प्रतिष्ठा देवकोटा, गायनतर्फ आर्शिभ खनाल र नेपाली भाषा वक्तृत्वकलातर्फ कृपा ढकाल च्याम्पियन बनेका छन्।