प्रचण्ड गर्मीको चपेटामा युरोप, फ्रान्समा डुबेर मर्नेहरूको संख्या अत्यधिक

फ्रान्सका प्रधानमन्त्री सेबास्टियन लेकोर्नुले बढ्दो गर्मी छल्न पौडने क्रममा बिहीबारयता मात्र ४० जनाको डुबेर मृत्यु भएको बताएका छन् । यसैबिच, युरोपका विभिन्न देशहरूमा तापक्रमले कीर्तिमान बनाएको छ भने गर्मीको लहर चरम स्तरमा पुगेको छ ।

हालसम्म फ्रान्स, स्पेन र इटाली सबैभन्दा बढी प्रभावित भएका छन् । फ्रान्समा मंगलबार जुन महिनाको इतिहासकै सबैभन्दा तातो दिन रेकर्ड गरिएको थियो, जहाँ औसत तापक्रम २९.८ डिग्री सेल्सियस पुगेको थियो ।