रोल्पाका १० पालिकाले ल्याए पाँच सय १५ करोडको बजेट

रोल्पा : रोल्पाका १० वटै स्थानीय तहले आगामी आर्थिक वर्ष २०८३÷८४ का लागि कुल करिब ५ सय १५ करोड रुपैयाँ बराबरको बजेट सार्वजनिक गरेका छन् । विकास निर्माण, कृषि उत्पादन, रोजगारी सिर्जना, शिक्षा, स्वास्थ्य तथा पूर्वाधार विकासलाई केन्द्रमा राख्दै स्थानीय तहहरूले नीति तथा कार्यक्रमसहित बजेट ल्याएका हुन् ।

रोल्पामा एक नगरपालिका र नौ वटा गाउँपालिका रहेका छन् । सबै पालिकाले बजेट सार्वजनिक गरेका छन् । जिल्लाको एक मात्र नगरपालिका रोल्पा नगरपालिकाले सबैभन्दा बढी ८० करोड २५ लाख ५० हजार रुपैयाँ बजेट विनियोजन गरेको छ । त्यसपछि सुनिलस्मृति गाउँपालिकाले ५८ करोड ५७ लाख ८० हजार रुपैयाँ, त्रिवेणी गाउँपालिकाले ५२ करोड ४४ लाख ३४ हजार रुपैयाँ तथा परिवर्तन गाउँपालिकाले ५२ करोड १३ लाख ७७ हजार रुपैयाँ बजेट सार्वजनिक गरेका छन् ।