डिजिटल संसद, ५ सय वर्षसम्म इतिहास सुरक्षित हुने !

काठमाडौं । संघीय संसद कागजी प्रक्रियाबाट डिजिटल प्रणालीतर्फ अघि बढेको छ । डिजिटल पार्लियामेन्ट प्लेटफर्म परीक्षणमा आएसँगै सांसदको हाजिरीदेखि विधेयक, बैठक, अभिलेख र बहससम्म अब डिजिटल हुनेछन् । सभामुख अर्यालले ५०० वर्षसम्म संसदीय इतिहास सुरक्षित राख्ने र अध्यक्ष दाहालले यसलाई तीनै तहमा विस्तार गर्नु पर्ने बताएका छन् ।

संघीय संसद परम्परागत कागजी प्रक्रियाबाट डिजिटल प्रणालीतर्फ अघि बढ्ने भएको छ । संसदीय कामकारबाहीलाई एउटै डिजिटल प्रणालीमा जोड्ने उद्देश्यले संघीय संसद सचिवालयले डिजिटल पार्लियामेन्ट प्लेटफर्मको परीक्षण सञ्चालनमा ल्याएको छ ।